हरेक जणो बि असल भासा ने नि हमज सके हे जिमे बाइबल लिकि गी ही (इब्रानी, यूनानी ऐर अरामी)। तरे-तरे की भासा म इको अनुवाद करबाऊँ ओ पक्को हेवे हे के न्यारी-न्यारी भासा बोलबावाळा मनक इकि हीक ति पल सके हे ऐर इने हमज सके हे। बाइबल को खुद की भासा की लेर-लेर न्यारी-न्यारी भासा म अनुवाद करबो, आपणी पोंच पक्की करबा केति, बिकि लेर आपणो रेन-सेन, हमज, परचार, भासा ने खतम हेबाऊँ बचाबो ऐर परमात्मा की लेर गेरा आतमिक हंबंद ने बडावो ज्येबा केति जरुरि हे।
बाइबल अनुवाद का थोडाक पग
टीका
ओ हीकबा को एक तरीको हे इमे आपाँ जतरो वे सके बतरो जाणा हाँ के लिकबावाळो असल मनक असल हुणबावाळाँने काई बताबो छावो हो के आपाँ बि हमच्यार की हाँच न हमज सकाँ।
मसौदा
ई तरीका म बि भासा का जाणबावाळा कोई भासा म बचन को अनुवाद करे हे।
टीम जाँच
अगर नरा अनुवादक एक ई भासा म न्यारी-न्यारी कताबाँ को अनुवाद करबा केति हात मलर काम कर रिया हे तो बे आपणी टीम मे जोरऊँ बिने पडे हे ऐर देके हे के बो आपणी भासा का हस्याबऊँ लाग रियो हे, बिम हाँच हे ऐर सई हमज म आ रियो हे।
गांव की जांच
अनुवाद कर्योड़ी बचन की कताबाँ मनकाँ की लेर बाँटी जावे हे जिन बे पड सके हे ऐर आपकी संका या कोई हला ज्ये सके हे। जि हस्सा म सबद ऐर वाक्य बदलबा की जुरत रेवे हे ब्याँने हला का हस्याबऊँ बदल दियो जावे हे।
व्याख्यात्मक जांच
ई तरीका म अनुवाद कर्योड़ा हस्साँ का अरत ने पक्को करबा केति एक टरेनिंग लियोड़ा अनुवादक, हलाकार कि मदतऊँ जड़ की भासा की लेर अनुवाद की जाँच करी जावे हे।
अनुवाद कर्योड़ा को पाछो अनुवाद
गाँव की जाँच और व्याख्यात्मक जाँच के पचँ हलाहकार जाँच करबावाळा मनक की मदत केति अनुवाद कर्योड़ा हस्साँ को अंग्रेजी म अनुवाद कर्यो जावे हे ऐर अगर जाँच करबावालो मनक आपणा देस को ई हे ऐर हिंदी नि हमजे हे तो ओ पाछो अनुवाद घणो मदत करे हे।
समीक्षा समिति जांच
ओ अस्यो तरीको हे जिमें चुण्योड़ी भासा म शेवा करबावाळा पादरी ऐर कलीसिया का कोई खास नेता जुड़े हे जो सबद, वाक्य का हस्साँ जस्यान की बाताँ केति जरुरी फेसला ल्येबाम मदत करे हे। ओ काम एक लार बेटर कर्यो जावे हे। समीक्षा समिति को फारम आपणा कन्ने वे तो काम होरो वे जावे हे।
हलाहकार जांच
यूनानी/इब्रानी बाइबल विदवान ने पाछो अनुवाद एक मीना पेली भेज्यो जावे हे ऐर एक मीना पचँ विदवान थोड़ाक अनुवाद करबावाळा मनकाँ की लेर यूनानी/इब्रानी बाइबल की जाँच करे हे।
पैराटेक्स्ट जाँच
पैराटेक्स्ट जाँच एक अस्यो तरीको हे जिमे एक तकनीकी जाँच करी जावे हे जिमे हगळी जाँचाँ के पचँ ओ काम कर्यो जावे हे के कोई गलती रेगी वे तो ब्याँने सई कर्यो जा सके।
टाइपसेटिंग
इमे हगळी जाँचाँ हेबा के पचँ तियार कर्योड़ी फाइल ने बि मनकाँ की लेर बाँटी जावे हे जो कताब ने टाइप करबा म परफेट वे हे। पूरी कताब कोई सॉफ्टवेयर की मदतऊँ तियार करी जावे हे।
प्रूफ़रीडिंग
कताब तियार हिये पचँ बिन एक बार छाप्यो जावे हे ऐर हगळा अनुवाद का हस्साँ ने सई तरेऊँ पड्यो जावे हे के बिम कोई गलती नि रेजे।
मुद्रण वितरण
ई तरीका म तियार कताब ने प्रिंटिंग प्रेस म दियो जावे हे के बे बिने छापे। कताबाँ की गणती समाज ऐर कलीसिया की माँग का हस्याबऊँ पक्की करी जावे हे। आपणी ठोड़ की मण्डळी की लेर परातना की लेर बिको समरपण कर्ये पचँ बि कताब ने समाज म बाँट्यो जावे हे।
